رحلة الديناصورة الى الحج ::~ - منتديات عاشق الترحال
         :: شقق مفروشة للايجار بأفضل المستويات (آخر رد :doniawork)       :: شقق مفروشة للايجار بأفضل المستويات (آخر رد :doniawork)       :: شقق مفروشة للايجار بأفضل المستويات (آخر رد :doniawork)       :: شقق مفروشة للايجار بأفضل المستويات (آخر رد :doniawork)       :: شقق مفروشة للايجار بأفضل المستويات (آخر رد :doniawork)       :: شقق مفروشة للايجار بأفضل المستويات (آخر رد :doniawork)       :: شقق مفروشة للايجار (آخر رد :doniawork)       :: تاجير سيارات بسائق في طرابزون وتركيا (آخر رد :تسويق خمسة)       :: شركة تاجير سيارات بسائق في طرابزون (آخر رد :تسويق خمسة)       :: تاجير سيارات بسائق في اسطنبول وتركيا (آخر رد :تسويق خمسة)      

العودة   منتديات عاشق الترحال > √ عاشق الترحال لدول الخليج العربي :- > عاشق الترحال إلى الامارات العربية المتحدة

عاشق الترحال إلى الامارات العربية المتحدة

((تقارير مصورة وبرامج سياحية ومعلومات شاملة عن الامارات))


إضافة رد
 
LinkBack أدوات الموضوع انواع عرض الموضوع
قديم 12-07-10, 02:28 PM   المشاركة رقم: 1
المعلومات
الكاتب:
   
اللقب:

كبار الشخصيات

الصورة الرمزية
 
الصورة الرمزية ديناصورة صغيرونة

البيانات
التسجيل: 26/1/10
العضوية: 837
المشاركات: 13,191 [+]
بمعدل : 3.68 يوميا
اخر زياره : [+]

التوقيت

الإتصالات
الحالة:
ديناصورة صغيرونة غير متواجد حالياً
وسائل الإتصال:

المنتدى : عاشق الترحال إلى الامارات العربية المتحدة
افتراضي رحلة الديناصورة الى الحج ::~

بسم الله الرحمن الرحيم

تقرير بسيط فيه القليل من المعرفه وبعض المعلومات التي اظني انها مهمه وخصوصا للسيدات (( القوارير ))

بسم الله نبدأ

قررنا الذهاب للحج في هذه السنه ,, 1431 هــ /2010 م وتوجهنا فيوم 7 / 11 ورجعنا يوم 19 / 11 ..

اول شي بعد النيه هو طبعا شراء المستلزمات الضروريه للحج والمعروف عننا نحن الاماراتيات هو الجلابيه الخضره اللي نبلسها دوم للحج

هو تقليد ,, او هو لها سنه معينه ما ادري المهم من طلعنا شفنا امهاتنا يفصلون ثياب خضرا وسودا والاكثيره خضرا .


وهذي شنطه الديناصوره وبشرح لكم المهم اللي استفدته هناك واللي ماكان له لزوم



حجمها بالنسبه لدبدوبي يعني اكبر من الهاند باق بشوي وما بتحتاجون لاكبر لان كل شي متوفر هناك والحمدلله







عناد بصور الــ في آي بي :)
















اللي بتحتاجونه هو لسلبرات وضروي تكون خفيفه لانكم بتضيعون اكثر من وحده

وخصوصا وقت الطواف فماحد متفيق يشيل نعاله ذيك الساعه فبتتركونها عن أي باب وطبعا بتضيع

بس لا تكثرون لانكم ستجدون هناك ايضا الكثير ومن كل الانواع

وبتردون السكن حفاي لذلك لازم تلبسون جوارب ويفضل اثنينه او واحد ثقيل

بس ضروري تكون من هالنوع




لان وجود هالعلامات لبلاستيكيه تحت تثبت ريولكن على بلاط الحرم سواء فالطواف اوالسعي فتساعد على المشي براحه

حتى فأوقات الصلاة العاديه
وخصوصا لكبار السن فهي ضروريه جدا ومنها انواع كثيره ,, بس كثروا منها لان كل واحد لبسه بتتوسخ

و طبعا انتوا مب فاضيين للغسيل ..هناك شغلات ثانيه فالشنطه بنرمس عنها فحينها ..

الحين الشنطه زاهبه حطيت عليها علم بلادي عشان اعرفها فالمطار بسرعه :)





باقي التطعيمات اي اللقاحات وهي ضروريه ايضا .. بيعطوكم مثل هالكرت او دفتر صغير






خذت ابرتين تطعيم اللي اذكره ان الممرضه قالت لي وحده لثلاث سنوات ووحده لسنه لكن تطعيمات شو وعشان أي مرض ما سألت من خوفي من الابره :o

عاد هي مال خنازير مال طيور مال رجاب ما ادري


انتهينا والحين الى المطار


وصلنا المطار الصبح خلصنا الاجراءات طبعا للحجاج وجود غير فالمطار مب مثل اي سفر

حتى حاطين لنا تسجيل يتردد فالمطار بلبيك اللهم لبيك شعور غير ,, ومن الزحمه استحيت اصور لان الرياييل مع الحريم واغلبهم نعرفهم ..

المهم من خلصنا شنطنا وجوازاتنا ,, سرنا نتريق اي نفطر نسيت اقولكم ان اللي سايرين الحج كانوا محدثتكم واختها واخوها وحرمت اخوها ..













خلصنا ريوقنا بسرعه وتوجهنا لطيارتنا ,, وهذي صورتهم بالسر بس لا تخبرون ..من اليسار اخوي وبعدين اختي وفالاخير حرمت اخوي ..





طيارتنا اللي مب حلوه :o لان طول الوقت تهتز فينا وصوتها عالي جدا =__=







غادرنا دبي دار الحي






































وجبة الطيارة مع انها كانت لذيذه بصراحه بس عشان تونا متريقين ما كلناها







اراضي المملكه العربيه السعوديه
















وصلنا مطار المدينه المنوره والاجراءات تختلف اختلاف كلي عن اجراءات مطار دبي وهذا للعلم فقط

حتى في ركوبكم للطياره فبيكون بالدرج عشان تحسبون حسابكم وخصوصا لكبار السن

والشنط بتشوفونها وتتعرفون عليها فالخارج مب فالمطار ..

:


المهم ما عندي صور لا للمطار ولا للسكن فالمدينه لاني ما كنت ناويه على التقرير بس قلت صور متفرقه وخلاص
عموما ما بيطوفكم الكثير ان شاء الله ..

المدينه المنوره فيها زيارة قبور الشهداء والروضه الشريفه هذي اكثر ما يركز عليها الحجاج

الروضه بيكون للحريم وقتين فالليل من بعد الساعه ثمان والفجر من بعد صلاة الفجر

طبعا الزحمة شديده جدا بس ان شاء الله ربي بيكتب لكم صلاة ركعتين فيها ..

قضينا فالمدينه يومين والسكن كان خمس نجوم والاكل كان بوفيه بنفس الفندق وكل شي مان رائع

ركزا على هالرمسه لان الوضع بيختلف فمكه المكرمه نهائي












توقيع :

عرض البوم صور ديناصورة صغيرونة   رد مع اقتباس
قديم 12-07-10, 02:29 PM   المشاركة رقم: 2
المعلومات
الكاتب:
   
اللقب:

كبار الشخصيات

الصورة الرمزية
 
الصورة الرمزية ديناصورة صغيرونة

البيانات
التسجيل: 26/1/10
العضوية: 837
المشاركات: 13,191 [+]
بمعدل : 3.68 يوميا
اخر زياره : [+]

التوقيت

الإتصالات
الحالة:
ديناصورة صغيرونة غير متواجد حالياً
وسائل الإتصال:

كاتب الموضوع : ديناصورة صغيرونة المنتدى : عاشق الترحال إلى الامارات العربية المتحدة
افتراضي رد: رحلة الديناصورة الى الحج ::~

وصلنا للمدينه المنوره مثل ما ذكرنا ,, والحمدلله ربي اكرمنا وصلينا بالروضه الشريفه

وهنا اوجه تحيه كبيره جدا للحارسات او المنظمات هناك لما يتحملونه من ازعاج ومضايقات من الحاجات وعدم التزامهم ..

المهم احرمنا من المدينه وهنا نحن بنكون مآخذين معانا من الامارات سدر مطحون عشان نغسل فيه شعرنا وهذي مهمه البعض ينساها

لان الشامبوهات فيها عطر لذلك ابرأ للذمه ان نغسل بالسدر === على قولت جداتنا

وهذا السدر بعد بنغسل فيه بعد ان نحرم مرة ثانيه الى منى ونحن استخدمنا السدر المطحون
كصابون ايضا في فترة الاحرام الثانيه ..

المهم احرمنا نحن الحريم الا النقاب بقينا بها اما الشباب فبيحرمون من آبار او ابيار علي ,, وهنا نحن خلعنا نقاباتنا

بس كنا نيلس فالباص من الخلف والرجال من الامام فكنا مستورين والحمدلله ..

بعض الصور عند الميقات






























صلينا ركعتين وتوكلنا






فالطريج لمكه عطونا هدية











وهذا الماي ايضا






وصلنا مكة وانصدمنا بالسكن نحن ندري انه مب خمس نجوم بس عاد مب جذا

الغرفه كانت ضيقه وفيها دولاب للملابس كبير ماله داعي وتسريحه وتلفزيون وثلاجه واثنين كوميدينو

المهم قلنا نحن سايرات للحج مب للمتعه وبصراحه اختي من وقف بوجهنا كلنا وقالت هي كم يوم اتحملوها

واني تقول ان الحج جهاد المرأة وكل مازادت المشقه زاد الاجر === كنا ننتهج كلام القائد === قصدي امي










مالكم بطول السيره حطينا شنطنا وتوكلنا على الحرم وطفنا وسعينا والحمدلله الامور كانت ميسره

بس عاد هذي الصدمه الاولى لنا نحن النساء في ملامسه الرجال وخصوصا اللي نعرفهم

كانت الامور غريبه علينا شوي وخصوصا ونحن ما فينا نقابات !!!!!

انا اقول هالرمسه عشان ما تنصمون مثلي لان السمع شي والمعايشه شي ثاني



:


بعد الطواف والسعي وشرب زمزم والصلاة ركعتين ردينا السكن ورتبناه بمعرفتنا اللي

ما نحتاجه اتصلنا بالرسبشن يشلونه ورتبنا الاسره مثل ما نبغي

طبعا هالرمسه تنطبق على جميع الحريم اللي معانا نحن كنا 22 قاروره ,, كل مجموعه رتبت عمرها مع من تحب

انا واختي ومرت اخوي مع بعض

والديناصوره كانت جوعانه كلت روب وخبز فوق السرير







هذي سرارينا بعد ما غيرنا مكاناتها واشترينا لنا كفرات جديده الساعه اربع الفجر خلصنا ورقدنا :032:










التلفزيون تحول لحمل العبي







انا قلت من قبل هالتقرير ابغيه يكون كمستند يفيد الجديدات فالحج اكثر من انه تقرير سياحي مصور

لذلك بغيت اقول شي

ان رحلتكم للحج مختلفه كليا عن أي رحله سابقه ,, بتعرفون فيها ناس جدد وغصبا عنكم بتحتكون فيهم

بحكم معايشة السكن

وبتتعودون على طرق معيشه مختلفه ,, بتاكلون على الارض بدون سفره ولا حتى جريده


بتاكلون المرق والصالونه بإيدكم بتغمسون يعني === كله بتشوفونه بالصور :)








بتدشون غرفتكم وهي معفوسه النعال بصوب والمشتروات بصوب

ووحده تغسل ثيابها ووحده تكوي عباتها هذا انا ارمس عن كل الغرف















مكسرات الديناصوره فوق السرير ===== كله تاكل عشان تخزن طاقه :)











:




لو تحاولون تسكنون مع لكبار فالسن وتبعدون عن اللي من سنكم وتتعايشون معاهم بتحسون بأحاسيس غريبه وجديده ومفرحه

لحظات جميله انج تطلبين لوحده رقم عشان ترمس عايلتها او تضيفين لها رصيد لان هالشغلات صعبه عليهم

والا تاخذينها وياج الحرم لاتقولين عيوز وبتأخرني والله دعوة منها تسوى الدنيا

حاولي تمدحين اللي يشترونه ,, وتشترين مثلهم ولو نماذج بيحسون بالفخر انج تقلدينهم

قسم بالله ان معايشة العيايز ما بعدها متعه وبيتمون يذكرونج بالخير ,, ولا تقطعينهم بعد الحج خلج على تواصل معاهم ..

طولت بالرمسه بس اتمنى الافاده للجميع يارب ..


هذا حمام غرفتنا وانتوا بكرامه
























توقيع :


التعديل الأخير تم بواسطة ديناصورة صغيرونة ; 12-07-10 الساعة 07:23 PM
عرض البوم صور ديناصورة صغيرونة   رد مع اقتباس
قديم 12-07-10, 02:29 PM   المشاركة رقم: 3
المعلومات
الكاتب:
   
اللقب:

كبار الشخصيات

الصورة الرمزية
 
الصورة الرمزية ديناصورة صغيرونة

البيانات
التسجيل: 26/1/10
العضوية: 837
المشاركات: 13,191 [+]
بمعدل : 3.68 يوميا
اخر زياره : [+]

التوقيت

الإتصالات
الحالة:
ديناصورة صغيرونة غير متواجد حالياً
وسائل الإتصال:

كاتب الموضوع : ديناصورة صغيرونة المنتدى : عاشق الترحال إلى الامارات العربية المتحدة
افتراضي رد: رحلة الديناصورة الى الحج ::~

كم صوره للحرم والسعي من الدور الثاني


































استغربت من صور هالاحرامات اللي منشوره هناك على اليبل !!!!!
















اليوم يوم الذهاب الى منى فبنخلص ترتيب اغراضنا اصريت اني اربط شنطي مثل عمي الله يرحمه

اذكر يوم كان ايينا من الحج كان اييب لنا الهدايا بمثل هالشنط لمربطه

طبعا اخوي كان بيذبحني من شاف اغراضي الكثيره ,, بس ماقال لي شي الا عيونه احمرت وخدوده ورمت واظني اذونه ازرقت من العصبيه :o

لان هو وحرمته حاطين اغراضهم فشنطهم وبس اونهم برستيج ,,, مشترين ما خف حمله وغلا ثمنه

انا ماخليت شي كل الذكريات اشتريت منها

كلما كان يسأل هذي لمنو قالوله للديناصوره طبعا هذيلاك الوشايات اختي وحرمته

وهو يعصب اكثر فأكثر ,,, وانا مب هامني المهم اني اشتريت اللي ابغيه كله








هذا وهو داش علينا بعد الاحرام للذهاب الى منى === طبعا هو بغرفة الرياييل بس ياينه زياره يراوينا شكله بعد الاحرام ^ ^





:


من الاغراض اللي بتاخذونها معاكم هي غيار ملابس وااحد فقط يعني لن تحتاجو لاكثر من ذلك

ومبايلكم والادويه اللي تستخدمونها

لان الملابس اللي لابسينها ما بتغيرونها حتى يوم صباح يوم العيد

الا لو اتسخت اتساخا شديدا وهنا طبعا ممنوع عليكم العطر وكل ماله رائحه

نحن امتنعنا حتى عن الصابون والمعجون كنا نستخدم المسواك او الماي مع الفرشاة

اما كصابون فاستخدمنا السدر ايضا

بعضهم استخدم الصابون لان بعض المفتين اباحوا لهم ذلك



:
ركبنا الباصات متجهات الى منى وهذي المناظر من الطريق





















وصلنا منى والحمدلله
















دخلنا خيمتنا قلت لهم صبروا شوي عشان اصور حليلهم كلهم كانوا متفهمات حتى كبار السن فديتهم يارب ..













بتحصلون فالخيمه ماي وعصير وفواكه لان الوجبات بييبوها فساعتها

وحتى هناك برادت فالخارج مليئه بالماي والعصائر والحلويات والفواكه








المعضله الوحيده هي الحمامات

اغلبها بهذا الشكل




هذي بنت خالتي تعاندني ما تبغيني اصور







فداخل الخيمه بتحصلون كلنكس وشنطه صغيره فيها فرشاة ومشط وصابون ومعجون وبعض الحوائج الخاصه الاخرى

هذي لكل شخص ..

وهناك فالمخازن المزيد لمن اراد ..




وبيعطونكم بعد مراوح صغيره







هذا الريوق صورة لكم وجبة وحده بس لان اتلومت من الحريم





















فنص ليل ذاك اليوم طلعنا الى عرفه وصلنا عرفه على الفجر تقريبا وبعد خيمة عرفة كانت مكيفه

وفيها فواكه وعصائر ونفس نظام منى بس ما فيها كنب للنوم

اغراضكم اللي خذتوها معاكم من مكه بتتركونها فخيام منى ولن تاخذوا معكم سوى الموبايل والادويه وقرانكم لانكم بتكملون من عرفه لمزدلفه ومن مزدلفه للجمرات

ومنها لمكه للطواف والسعي وبتردون سكن مكه لتحلل من الاحرام ومن بعدها يباح لكم كل ممنوع ..

وبعضهم يرجعون لمخيم منى للتحلل على حسب مجموعتكم ..

بتيلسون فمكه سويعات ومن بعدها بتردون لمخيمة منى وممن تاخذون معاكم ثياب وعطر هالمره عادي

وهذي بعض الصور من يوم عرفه

هذي من الخارج لان في عرفه بيلسونكم فخيام اما من اراد الخروج فله ذلك بشرط انه يعرف المكان وما يضيع ..


طلعنا انا واختي تمشينا لمكان بعيد وبعدين ردينا









توها تشرق الشمس

















من شفنا نهاية عرفه خفنا لا نتعدى الحدود قصدي حدودعرفة فرجعنا









شفنا واحد يبيع خضار خذنا عنه ليمون === قالوا لنا اللي يشتري اكل عادي ولو محرم




























ردينا لخيمتنا فوقت الظهر كان الجو حار جدا والمكيف ما يبرد فخذونا لخيمة لمقر البعثه الاماراتيه

فصورت لكم هالصورتين على استحياء بعد ما ساروا الناس










صار المغرب فجمعونا كلنا للخروج الى مزدلفة






ركبنا الباصات مره اخرى متوجهين الى مزدلفه












توقيع :


التعديل الأخير تم بواسطة ديناصورة صغيرونة ; 12-07-10 الساعة 08:24 PM
عرض البوم صور ديناصورة صغيرونة   رد مع اقتباس
قديم 12-07-10, 02:30 PM   المشاركة رقم: 4
المعلومات
الكاتب:
   
اللقب:

كبار الشخصيات

الصورة الرمزية
 
الصورة الرمزية ديناصورة صغيرونة

البيانات
التسجيل: 26/1/10
العضوية: 837
المشاركات: 13,191 [+]
بمعدل : 3.68 يوميا
اخر زياره : [+]

التوقيت

الإتصالات
الحالة:
ديناصورة صغيرونة غير متواجد حالياً
وسائل الإتصال:

كاتب الموضوع : ديناصورة صغيرونة المنتدى : عاشق الترحال إلى الامارات العربية المتحدة
افتراضي رد: رحلة الديناصورة الى الحج ::~

وصلنا الى مزدلفه ,, صلينا وتعشينا عشاء جاهز كروسان وكيك وعصائر

كان جنبنا حملة حجيج من المغرب ووحده من السودان وطبعا الكل يجلس جنب الكل في

تآلف غريب وانسياق اعمي لطاعة رب العالمين .. سبحان الله !!!!

ما بتصدقون ولا بتحسون اللى انا اقوله الا يوم تجربون ..

هذي صوره وحده من مزدلفه لان ولعة لفلاش ذيك الساعه فيها قطع رقبة الديناصوره من قبل اخوها :o

وخصوصا ان الكل عرف منو اللي يصور من بين الــ 22 قاروره ..

حليلها وحده من عيايزينا قلت لها ماعليه اصور ايدج خالوه بس ما بتظهر فالصوره وافقت فديتها




وهذي الحصيله






توجهنا لرمي جمرة العقبه الاولى والحمدلله كانت سهله جدا رمينا فالدور الاول

وركبنا باصات صغيره وتوجهنا لمكه طفنا وسعينا بعد بيسر وسهوله الحرم كان فاضي ربنا مسهلها

وردينا السكن فمكه تحللنا ولبسنا الجديد وردينا الحرم نصلي صلاة العيد انا صليت فآخر دور وهذي الصور من هناك




















تحيه لكم كلكم بغيت اصورهم كلهم قسم بالله ان تعبهم ماله حدود وان يتحملون من الحجاج اللي ما يحتمل
لهم كل الشكر بارك الله فيهم جميعا حليلهم اغلبهم شباب مثل عيالنا الله يبارك فيهم ويفرح فيهم عوايلهم يارب ..










ردينا السكن لين العصر وبعدين ظهرنا لمنى مره ثانيه ,, ركبنا الباصات ما ادري للمره الكم



مشاهد من الطريق




















ردينا منى وخيمتنا ناكل ونسولف عاد الحين ماشي شغل سوى العبادات العاديه اما عن

الصلاة فكلها ركعتين وخلاص مريحين آخر راحه



اكتشفنا ان هناك سوق فمنى سوق شعبي روعه وانا اموت فــ هالامور



















عشان تعرفون مقدار التعب شوفوا حصيلة القمامه وانتوا بكرامه

بس اللي يوجع فالبطن ان اغلبها اكل فكل ما يزيد عن الحجاج مصيره الي القمامه

حتى الفواكه اللي ما حد لمسها بعد للزباله !!!!!!!!!








هذي عينه شوفوا !!!!






المهم اشتريت شوي عشان مايعصب عليي اخوي

وردينا خيمتنا الجميله











شفناالقوارير يشتغلون ,,,,,,,,,,,,,,,,,, شو يسوون يحفرون الارض :)

اثرهم متعودات يطلعون حصى الجمرات من هنا ,, مع ان البعثة موفره لنا الحصى بس هم يحبون يشتغلون بعرق جبينهم





هذا من ضمن المعايشه اللي اقولكم عنها شوفوا الماي والليمون والموبايلات والحصى كلهم جنب بعض




نفس اللي صورتها بمزدلفه وافقت اصورها فمنى ^ ^













وهذي الحصيله






اليوم عندنا رمي الجمرات ونحن مستعدات رمينا بالدور الثاني هالمره نظرا للزحمه

بس الجو كان رائع كان بعد المغرب وبروق ورعود وزخة مطر جميله جدا ,,,الحمدلله كان حظنا رائع

ما صوره شي لاني نسيت موبايل الكاميرا فالخيمه ماخذت الا الموبايل الثاني =__=



وردينا خيمتنا ورقدنا فاليوم الثاني خبرونا اللي بيوكل بيرجع مكه واللي بيرمي بروحه بيبقى فمتى بس بيرد على ريوله

ماشي باصات ,, وزنتها انا بالعقل كالعاده وقلت بسني رميت اكثر من مره ههههه وبرايه التعب الوااايد ووكلت اختي

لانها عاندت وبغت ترمي بروحها بقوا 11 قاروره وتوكلوا 11 الباقيين لمكه بالباص المعتاد


من الطريق ونحن طالعين من منى الى الباص وااايد كان بعيد وانا عندي المشتريات اللي خذتها من سوق منى الشعبي

وما خبرت اخوي اني اشتريت عشان يشل عندي

فسارت معاي اختي وبنات خالتي شلوا عندي اغراضي بدون لا حس ولا خبر من اخوي :)

وهالصور ونحن فانتظار الباص


























رجعنا مكه اترييناهم لين يرمون عنا وحليلهم ردوا درب على ريولهم طول هالمسافه ولحقهم مطر فالطريج بعد

المهم انا و حرمتين عيايز كانوا عندي طفنا طواف الوداع قبل ما يوصلون والحمدلله ماكان في زحمة ..

يوم ردوا هم كانا نحن مخلصين ,, الا مرت اخوي اتريت زوجها وطاح فيههم المطر فالحرم وغسلهم والحمدلله :)


وهالصور صورتها لي بنت خالتي لاني اترجيتها تصور لي الرمي فغمضتها وصورته لي















بعد طواف الجميع توجهنا لمطار جده بغيتهم يركبوني بقطار المناسك قالوا هو الباص نفسه ماشي غيره :o

شفت القطار اكثر من مره بس ربي ما كتب اني اصوره


فالمطار عطونا كتيبات بغيت اصور اللي يوزعون الكتيبات بس اختي عصبت عليي قالت اونه الناس بيقولون يايه من الحج وتصور الرياييل !!!!!

لفيت حول المطار من ورا شفت هالكتيبات صورتهم عن خاطري

















جزاهم الله خير بجميع اللغات بس ما لحقت اصور كل شي






واللي لاحظته ان مطار جده بعده مب مكتمل ,, بعدهم يشتغلون فيه ..
















ركبنا طيارتنا ,,, وغادرنا جده غير



































































وصلنا دبي

























وهذا استقبالهم لنا فالمطار عطونا ورد وحلويات















وهذي هديتي من عيالي









ونثور امي لنا وهذا شكل جديد دراهم ملصقين عليها هالاشكال الكرتونيه ,, حلوة تنفع لاعياد الميلاد والاعراس ^ ^




والسلام ختام والله يجعله حج مبرور وذنب مغفور اللهم آمين يارب ..












توقيع :


التعديل الأخير تم بواسطة ديناصورة صغيرونة ; 12-07-10 الساعة 10:10 PM
عرض البوم صور ديناصورة صغيرونة   رد مع اقتباس
قديم 12-07-10, 02:57 PM   المشاركة رقم: 5
المعلومات
الكاتب:
   
اللقب:

من كبار العشاق

الصورة الرمزية
 
الصورة الرمزية أخت الخطاب

البيانات
التسجيل: 21/9/08
العضوية: 133
المشاركات: 16,744 [+]
بمعدل : 4.11 يوميا
اخر زياره : [+]

التوقيت

الإتصالات
الحالة:
أخت الخطاب غير متواجد حالياً
وسائل الإتصال:

كاتب الموضوع : ديناصورة صغيرونة المنتدى : عاشق الترحال إلى الامارات العربية المتحدة
افتراضي رد: رحلة الديناصورة الى الحج ::~

محجووووززززززززززززززززز












توقيع :

(إنّ الله اشترى من المؤمنين أنفسهم وأموالهم بأن لهم الجنّة .. ) التوبة / 111

.

عرض البوم صور أخت الخطاب   رد مع اقتباس
قديم 12-07-10, 02:59 PM   المشاركة رقم: 6
المعلومات
الكاتب:
   
اللقب:

من كبار العشاق

الرتبة:
الصورة الرمزية
 
الصورة الرمزية بدوي

البيانات
التسجيل: 28/9/09
العضوية: 632
المشاركات: 3,782 [+]
بمعدل : 1.02 يوميا
اخر زياره : [+]

التوقيت

الإتصالات
الحالة:
بدوي غير متواجد حالياً
وسائل الإتصال:

كاتب الموضوع : ديناصورة صغيرونة المنتدى : عاشق الترحال إلى الامارات العربية المتحدة
افتراضي رد: رحلة الديناصورة الى الحج ::~

أخيرا دينو حنيتي علينا ؟؟؟

لا وبعد بالقطاره

شكلكل تبين تنزلينها صوره صوره

أقول بلاش لعب بالأعصاب

وهاتي إلي عندك دفعه وحده

المقبلات وفاتح الشهيه ما نبيه

لما تخلصين تقريرك

بقولك الحمد لله على السلامه

وعلى فكره.. زهبي نفسك للرحله البريه.. ونصيحه.. بلاش الشنطه












توقيع :

كل الأبجديات تعجز عن شكرك دينو

عرض البوم صور بدوي   رد مع اقتباس
قديم 12-07-10, 03:00 PM   المشاركة رقم: 7
المعلومات
الكاتب:
   
اللقب:

من كبار العشاق

الرتبة:
الصورة الرمزية
 
الصورة الرمزية بدوي

البيانات
التسجيل: 28/9/09
العضوية: 632
المشاركات: 3,782 [+]
بمعدل : 1.02 يوميا
اخر زياره : [+]

التوقيت

الإتصالات
الحالة:
بدوي غير متواجد حالياً
وسائل الإتصال:

كاتب الموضوع : ديناصورة صغيرونة المنتدى : عاشق الترحال إلى الامارات العربية المتحدة
افتراضي رد: رحلة الديناصورة الى الحج ::~

اقتباس:
المشاركة الأصلية كتبت بواسطة أخت الخطاب مشاهدة المشاركة
محجووووززززززززززززززززز
:o:o:o


أحسبني أول واحد












توقيع :

كل الأبجديات تعجز عن شكرك دينو


التعديل الأخير تم بواسطة بدوي ; 12-07-10 الساعة 03:21 PM
عرض البوم صور بدوي   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رحلة إلى بلاد الإيجور (رحلة شيقة جدآآآآمع أخت الخطاب) أخت الخطاب عاشق الترحال لباقي دول العالم 14 07-23-10 05:00 PM
الحي أبقى من الميت قرناس عاشق التصوير 12 01-31-10 10:52 PM
صور من رحلة إلى كيرلا في إجازة الحج عسل2020 عاشق الترحال لباقي دول العالم 11 12-28-09 03:00 PM
تأملات في سورة الحج .. الشهيدة عاشق رحاب الاسلام 7 11-28-09 09:47 PM
الأعمى وفريضة الحج رفيف الروح عاشق رحاب الاسلام 4 05-04-09 04:26 PM


الساعة الآن 05:09 AM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd.
Search Engine Optimization by vBSEO 3.6.1
جميع الحقوق محفوظه لشبكة و منتديات العشاق

Security team